له‌پێشنیوه‌ڕۆی ئه‌مڕۆ ه‌وه‌ هێزێكی نیروی ئینتزامی سه‌ر به‌هێزه‌ چه‌كداره‌كانی كۆماری ئیسلامی ئێران هاتووه‌ته‌ ناوچه‌ی سه‌رده‌شت و له‌وێشه‌وه‌ رووی له‌ مه‌رزی ده‌شتی خانێ كردووه‌ به‌مه‌به‌ستی داخستنی ئه‌و مه‌رزه‌ كه‌ تائێستا به‌شێوه‌یه‌كی ره‌سمی نه‌ناسراوه‌، ئه‌و مه‌رزه‌ ده‌كه‌وێته‌ به‌رامبه‌ر "ئاوه‌كورتێ" ی سه‌ر به‌قه‌زای ماوه‌ت.

له‌پێشنیوه‌ڕۆی ئه‌مڕۆ ه‌وه‌ هێزێكی نیروی ئینتزامی سه‌ر به‌هێزه‌ چه‌كداره‌كانی كۆماری ئیسلامی ئێران هاتووه‌ته‌ ناوچه‌ی سه‌رده‌شت

و له‌وێشه‌وه‌ رووی له‌ مه‌رزی ده‌شتی خانێ كردووه‌ به‌مه‌به‌ستی داخستنی ئه‌و مه‌رزه‌ كه‌ تائێستا به‌شێوه‌یه‌كی ره‌سمی نه‌ناسراوه‌، ئه‌و مه‌رزه‌ ده‌كه‌وێته‌ به‌رامبه‌ر "ئاوه‌كورتێ" ی سه‌ر به‌قه‌زای ماوه‌ت.
له‌م پێوه‌ندییه‌دا نه‌وزاد حه‌مه‌ غه‌ریب قایمقامی قه‌زای ماوه‌ت وتی: ئه‌مڕۆ رووداوێك له‌ ناوخاكی ئێراندا روویداو ئه‌و هێزه‌ به‌مه‌به‌ستی داخستنی مه‌رزه‌كه‌ روویان له‌ ناوچه‌كه‌ كرد، له‌ ئه‌نجامدا چه‌ندین ئۆتۆمبێل سووتان و چه‌ندین وڵاغیش به‌گولـله‌ مردار بوونه‌وه‌ كه‌ كۆمه‌ڵێك قاچاغچی خه‌ڵكی ئێران له‌و ناوه‌دا بوون و ئه‌وانیش دوای ته‌ق و تۆقه‌كه‌ په‌رته‌وازه‌ بوون، دیاره‌ ژماره‌یه‌ك له‌وان هاتوونه‌ته‌ نێو خاكی هه‌رێمه‌وه‌ به‌ڵام به‌ڕه‌سمی خۆیان ته‌سلیم نه‌كردووه‌ به‌ ئێمه‌.
وتیشی: رووداوه‌كه‌ ئیجرائاتێكی ئێرانی بوو هیچ په‌یوه‌ندی به‌ ئێمه‌وه‌ نیه‌و ته‌نها مه‌به‌ست له‌و ئۆپه‌راسیۆنه‌ داخستنی ئه‌و مه‌رزه‌بوو كه‌ سیفه‌تی ره‌سمی نیه‌، ئێستاش بارودۆخه‌كه‌ به‌ره‌و هێوربوونه‌وه‌ ده‌چێت.
سه‌رچاوه‌یه‌كیش له‌ناوچه‌كه‌وه‌ پێی راگه‌یاندین: له‌ئه‌نجامی ئه‌و رووداوه‌ له‌ناو خاكی ئێراندا 2 كه‌س برینداربوون و 33 ئۆتۆمبێلی میك زه‌مینی ده‌ستیان به‌سه‌ردا گیراوه‌و 12 ش سووتاون و نزیكه‌ی 100 ئۆتۆمبێلی قاچاغچییه‌كان هاتوونه‌ته‌ دیوی عیراق و ئێستا گیریان خواردووه‌.
PUKmedia