وه‌زیری ده‌ره‌وه‌ی سربیا رایگه‌یاند: بۆچی ئه‌و وڵاتانه‌ی سه‌ربه‌خۆیی كۆسۆڤۆ به‌ره‌سمی ده‌ناسن، ئاماده‌ نین پشتیوانی له‌ سه‌ربه‌خۆیی كورده‌كانی عیراق بكه‌ن؟.
     به‌پێی ئاژانسی هه‌واڵی فه‌ره‌نسا له‌میانه‌ی كۆبوونه‌وه‌یه‌كیدا بۆ خوێندكارانی ڤێتنام، "ڤۆك یريمیچ" عیراقی به‌ سربیا شوبهاندووه‌و رایگه‌یاندووه‌: بۆچی له‌كاتێكدا سه‌ربه‌خۆیی كۆسۆڤۆ له‌ سربیا پشتیوانی لێده‌كرێت، نابێت پشتیوانی له‌ دابه‌شبوونی عیراق و سه‌ربه‌خۆیی كورده‌كان بكه‌ین.
     وه‌زیری ده‌ره‌وه‌ی سربیا ئه‌وه‌شی راگه‌یاند: پرسیاری كردووه‌ سه‌باره‌ت به‌ كورده‌كانی عیراق كه‌ سه‌دام كیمیابارانی كردوون و لێی كوشتوون، پرسیاره‌كه‌شی ئه‌وه‌بووه‌ بۆچی عیراق دابه‌ش نه‌كراوه‌و سه‌ربه‌خۆیی به‌ كورده‌كان نه‌دراوه‌.
     وتیشی: زۆرجار وه‌ڵامی پرسیاره‌كانی منیان نه‌داوه‌ته‌وه‌، هه‌رچه‌نده‌ هه‌ندێكجار ده‌ڵێن دابه‌شكردنی عیراق یارمه‌تی به‌ره‌وپێشبردنی سه‌قامگیری نادات له‌ ناوچه‌كه‌دا .